Gold Rate Chennai: மேலும் குறைந்தது தங்கம் விலை - இந்தப் போக்கு தொடருமா?

தொடர்ந்து புதிய உச்சங்களைத் தொட்டு வந்த ஆபரணத் தங்கத்தின் விலை கடந்த 4 நாட்களாக சரியத் தொடங்கியுள்ளது. 3 நாட்களில் மட்டும் சவரனுக்கு ரூ.1000 அளவில் குறைந்துள்ளது. இந்த விலை குறைவுப் போக்கு தொடருமா என்று கேட்டால், அது சந்தேகமே என்பதைய தற்போதைய சர்வதேச பொருளாதாரச் சூழல்கள் கட்டுகின்றன.

சென்னையில் வெள்ளிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.50 குறைந்து ரூ.7,960 ஆகவும், ஒரு சவரன் விலை ரூ.400 குறைந்து ரூ.63,680 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.54 குறைந்து ரூ.8,684 ஆகவும், சவரன் விலை ரூ.432 குறைந்து ரூ.69,472 ஆகவும் இருந்தது. இந்நிலையில், தங்கம் விலை மேலும் குறைந்துள்ளது.

தங்கம் விலை நிலவரம் - சனிக்கிழமை (1.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.20 குறைந்து ரூ.7,940 ஆகவும், ஒரு சவரன் விலை ரூ.160 குறைந்து ரூ.63,520 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.22 குறைந்து ரூ.8,662 ஆகவும், சவரன் விலை ரூ.176 குறைந்து ரூ.69,296 ஆகவும் உள்ளது.

வெள்ளி விலை:

சென்னையில் இன்று (1.3.2025) 1 கிராம் வெள்ளி விலை ரூ.105 ஆகவும், ஒரு கிலோ வெள்ளி விலை ரூ.1,05,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு ஓரளவு மீண்டெழத் தொடங்கியுள்ளது. அத்துடன், சர்வதேச அளவில் தங்கத்தின் தேவையும் சற்றே குறைந்து வருவதால் ஆபரணத் தங்கத்தின் விலை மூன்று தினங்களாக வெகுவாக குறைந்துள்ளது.

எனினும், அமெரிக்க அதிபர் ட்ரம்ப் அரசின் வரிவிதிப்பு நடவடிக்கைகள் அமலுக்கு வரும் சூழலில், மீண்டும் பங்குச் சந்தைகளில் பேரிடி விழலாம் என அஞ்சப்படுகிறது. அப்படி நேர்ந்தால், தங்கம் விலை மீண்டும் அதிகரிக்கத் தொடங்கலாம் என வர்த்தகர்கள் கருதுகின்றனர்.

தங்கம் விலை @ சென்னை

> 22 காரட் தங்கம் 1 கிராம் - ரூ.7,940 (ரூ.20 குறைவு)

> 22 காரட் தங்கம் 8 கிராம் - ரூ..63,520 (ரூ.160 குறைவு)

> 24 காரட் தங்கம் 1 கிராம் - ரூ.8,662 (ரூ.22 குறைவு)

> 24 காரட் தங்கம் 8 கிராம் - ரூ.69,296 (ரூ.432 குறைவு)

தங்கம் விலை @ மும்பை

> 22 காரட் தங்கம் 1 கிராம் - ரூ.7,940 (ரூ.20 குறைவு)

> 22 காரட் தங்கம் 8 கிராம் - ரூ..63,520 (ரூ.160 குறைவு)

> 24 காரட் தங்கம் 1 கிராம் - ரூ.8,662 (ரூ.22 குறைவு)

> 24 காரட் தங்கம் 8 கிராம் - ரூ.69,296 (ரூ.432 குறைவு)