Gold Rate Chennai: தங்கம் விலை மீண்டும் ஜெட் வேகம் - ஒரே நாளில் ரூ.560 உயர்வு!

கடந்த வாரத்தில் வெகுவாக சரிந்து வந்த ஆபரணத் தங்கத்தின் விலை இன்று ஜெட் வேகத்தில் உயர்ந்திருப்பது, நகை வாங்க விழைவோருக்கு பெரும் கலக்கத்தை ஏற்படுத்தியுள்ளது. இன்று ஒரே நாளில் சவரனுக்கு ரூ.560 அதிகரித்து மீண்டும் ரூ.64,000-ஐ கடந்துள்ளது.

சென்னையில் திங்கள்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.7,940 ஆகவும், ஒரு சவரன் விலை ரூ.63,520 ஆகவும் மாற்றமின்றி நீடித்தது. அதேபோல், 24 காரட் சுத்தத் தங்கம் 1 கிராம் விலை ரூ.8,662 ஆகவும், சவரன் விலை ரூ.69,296 ஆகவும் மாற்றமின்றி இருந்தது. ஆனால், தற்போது மீண்டும் கடுமையாக உயர்ந்துள்ளது தங்கம் விலை.

தங்கம் விலை நிலவரம் - செவ்வாய்க்கிழமை (4.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.70 உயர்ந்து ரூ.8,010 ஆகவும், ஒரு சவரன் விலை ரூ.560 உயர்ந்து ரூ.64,080 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.76 உயர்ந்து ரூ.8,738 ஆகவும், சவரன் விலை ரூ.608 உயர்ந்து ரூ.69,904 ஆகவும் இருக்கிறது.

வெள்ளி விலை:

சென்னையில் இன்று (4.3.2025) 1 கிராம் வெள்ளி விலை ரூ.2 உயர்ந்து ரூ.107 ஆகவும், ஒரு கிலோ வெள்ளி விலை ரூ.2,000 உயர்ந்து ரூ.1,07,000 ஆகவும் மாற்றமின்றி விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு தடுமாற்றம் கண்டுள்ளது. அத்துடன், சர்வதேச அளவில் தங்கத்தின் தேவையும் மீண்டும் உயரத் தொடங்கியுள்ளது.

குறிப்பாக, சர்வதேச அளவில் பங்குச் சந்தை வர்த்தம் பெரும் வீழ்ச்சி கண்டு வருவதால், பாதுகாப்பு கருதி தங்கம் மீதான முதலீடு மீண்டும் அதிகரிக்கத் தொடங்கியுள்ளதால் ஆபரணத் தங்கம் விலை மீண்டும் ஏற்றம் கண்டுள்ளது. இந்தப் போக்கு தொடரக் கூடும் என்றும் வர்த்தகர்கள் கணித்துள்ளனர்.

தங்கம் விலை @ சென்னை

> 22 காரட் தங்கம் 1 கிராம் - ரூ.8,010 (ரூ.70 உயர்வு)

> 22 காரட் தங்கம் 8 கிராம் - ரூ.64,080 (ரூ.560 உயர்வு)

> 24 காரட் தங்கம் 1 கிராம் - ரூ.8,738 (ரூ.76 உயர்வு)

> 24 காரட் தங்கம் 8 கிராம் - ரூ.69,904 (ரூ.608 உயர்வு)

தங்கம் விலை @ மும்பை

> 22 காரட் தங்கம் 1 கிராம் - ரூ.8,010 (ரூ.70 உயர்வு)

> 22 காரட் தங்கம் 8 கிராம் - ரூ.64,080 (ரூ.560 உயர்வு)

> 24 காரட் தங்கம் 1 கிராம் - ரூ.8,738 (ரூ.76 உயர்வு)

> 24 காரட் தங்கம் 8 கிராம் - ரூ.69,904 (ரூ.608 உயர்வு)