Gold Rate Chennai: தொடரும் விலை சரிவு - தங்கம் வாங்க இதுவே சரியான நேரமா?

ஆபரணத் தங்கம் விலை மேலும் குறைய வாய்ப்பு உள்ளதால், தங்கம் வாங்க மக்கள் தயாராக இருக்கலாம் என்று வர்த்தக நிபுணர்கள் கருத்துகளைப் பகிர்ந்து வருகின்றனர்.

Monday March 24, 2025 , 2 min Read

வாரத்தின் முதல் நாளிலேயே தங்கம் விலை சரிந்துள்ளது நகை வாங்க விரும்புவோர்க்கு மகிழ்ச்சி தரும் தகவலாக உள்ளது. ஆபரணத் தங்கம் விலை மேலும் குறைய வாய்ப்பு உள்ளதால், தங்கம் வாங்க மக்கள் தயாராக இருக்கலாம் என்று வர்த்தக நிபுணர்கள் கருத்துகளைப் பகிர்ந்து வருகின்றனர்.

சென்னையில் சனிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 குறைந்து ரூ.8,230 ஆகவும், ஒரு சவரன் விலை ரூ.320 குறைந்து ரூ.65,840 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.44 குறைந்து ரூ.8,978 ஆகவும், சவரன் விலை ரூ.352 குறைந்து ரூ.71,824 ஆகவும் இருந்தது. தற்போது மேலும் விலை குறைந்துள்ளது.

தங்கம் விலை நிலவரம் - திங்கள்கிழமை (24.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.15 குறைந்து ரூ.8,215 ஆகவும், ஒரு சவரன் விலை ரூ.120 குறைந்து ரூ.65,720 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.16 குறைந்து ரூ.8,962 ஆகவும், சவரன் விலை ரூ.128 குறைந்து ரூ.71,696 ஆகவும் இருக்கிறது.

வெள்ளி விலை:

சென்னையில் இன்று (24.3.2025) 1 கிராம் வெள்ளி விலை ரூ.110 ஆகவும், ஒரு கிலோ வெள்ளி விலை ரூ.1,10,000 ஆகவும் மாற்றிமின்றி விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு வெகுவாக மீண்டு வருகிறது. பங்குச் சந்தையும் தொடர்ச்சியாக ஏற்றம் கண்டு வருகிறது. இதனால், தங்கத்தின் மீதான முதலீடு குறைந்து, ஆபரணத் தங்கம் விலையும் தொடர்ந்து சரிந்து வருகிறது. இதுவே தங்கம் வாங்க சரியான தருணம் என்றும், மேலும் விலை குறைய வாய்ப்பு இருக்கிறது என்றும் வர்த்தக நிபுணர்கள் கருதுகின்றனர்.