தீபாவளி ஸ்பெஷல் - 10 நிமிடங்களில் தங்கம், வெள்ளி நாணயங்கள் வீட்டுக்கு டெலிவரி செய்யும் Swiggy, Blinkit, Zepto, Bigbasket!

பண்டிகைக் கால தேவையைப் பூர்த்தி செய்வதற்காக வாடிக்கையாளர்களுக்கு தங்கம் மற்றும் வெள்ளி நாணயங்களை 10 நிமிடங்களில் டெலிவரி செய்வதாக பிக்பாஸ்கெட், ஸ்விக்கி, பிளிங்கிட் மற்றும் ஜெப்டோ அறிவித்துள்ளது.

Tuesday October 29, 2024 , 2 min Read

Swiggy Instamart, Zomato's Blinkit, Tata's Bigbasket மற்றும் Zepto ஆகியவை Danteras சமயத்தில் பண்டிகைக் கால தேவையைப் பூர்த்தி செய்வதற்காக வாடிக்கையாளர்களுக்கு தங்கம் மற்றும் வெள்ளி நாணயங்களை 10 நிமிடங்களில் வழங்குகின்றன.

இது தொடர்பாக பிக்பாஸ்கெட் வெளியிட்டுள்ள செய்திக் குறிப்பில்,

தங்கம் மற்றும் வெள்ளி நாணயங்களை தந்தேராஸுக்கு சரியான நேரத்தில் வழங்குவதற்காக நகை பிராண்டான தனிஷ்க் உடன் இணைந்துள்ளதாகத் தெரிவித்துள்ளது.

வாடிக்கையாளர்கள் இப்போது தனிஷ்க் நிறுவனத்தின் லட்சுமி, கணேஷ் (999.9 தூய்மை) வெள்ளி நாணயம் 10 கிராம் வாங்கலாம்; தனிஷ்க் 22 காரட் தங்க நாணயம் 1 கிராம்; மற்றும் லட்சுமி மோட்டிஃப் தனிஷ்க் 22 காரட் தங்க நாணயம், 1 கிராம் ஆகியவற்றை 10 நிமிடங்களில் வீட்டுக்கு வந்து டெலிவரி செய்யும்.

இது தொடர்பாக பிக்பாஸ்கெட் நிறுவனத்தின் கொள்முதல் மற்றும் விற்பனை அதிகாரி சேஷு குமார் கூறும்போது,

“டாடா உடனான எங்களுடைய கூட்டாண்மை குறிப்பாக தனிஷ்க் உடனான உடன்படிக்கை எங்களுக்கு முக்கியமானது. உணவுப்பொருள் வினியோகத்தில் நாங்கள் வலுவாக இருந்து வருகிறோம் இப்போது இந்த கூட்டாண்மைகள் மூலம் தங்கம் மற்றும் வெள்ளி நாணயங்கள் அல்லது எலக்ட்ரானிக்ஸ் அல்லது வீட்டு உபயோகப் பொருட்கள் என எதுவாக இருந்தாலும், எங்கள் நீட்டிக்கப்பட்ட சலுகைகளில் எங்கள் வாடிக்கையாளர்கள் பயனடைவார்கள். இந்த தீபாவளிக்கு, பிக்பாஸ்கெட் எங்கள் வாடிக்கையாளர்களின் அனைத்து தீபாவளி விருப்பப் பட்டியலையும் 10 நிமிடங்களில் நிறைவேற்ற உறுதிபூண்டுள்ளது,” என்றார்.

Blinkit-ன் இணை நிறுவனரும் தலைமை நிர்வாக அதிகாரியுமான Albinder Dhindsa, Dhanteras வாழ்த்துக்களைப் பகிர்ந்து கொண்டதோடு, X-தளத்தில் ஒரு இடுகையில் பண்டிகையின் சிறப்பு டெலிவரி சலுகையைக் குறிப்பிட்டு பதிவிட்டுள்ளார்.

இந்த சலுகைக்காக பிளிங்கிட் ஜாய் ஆலுக்காஸ் மற்றும் மலபார் கோல்ட் & டயமண்ட்ஸுடன் இணைய ஜெப்டோ நிறுவனம் மலபார் கோல்ட் & டயமண்ட்ஸ் மற்றும் ஆக்மாண்ட்டுடனும் ஸ்விக்கி இன்ஸ்டாமார்ட், நெக் பை ஜார், முத்தூட் எக்சிம் மற்றும் மலபார் ஆகியவற்றுடன் கூட்டு சேர்ந்துள்ளது.

வாடிக்கையாளர்கள் எப்போது வேண்டுமானாலும் தங்கள் SmartGold யூனிட்களை பணமாகவோ அல்லது தங்கமாகவோ மீட்டெடுக்கலாம். 0.5 கிராம் மற்றும் அதற்கு மேல் உள்ள தங்கம் டெலிவரி செய்யப்படுகிறது, மேலும், 0.5 கிராம், 1 கிராம், 2 கிராம், 5 கிராம் மற்றும் 10 கிராம்களில் கிடைக்கிறது.