Stock News: இந்திய பங்குச் சந்தை தடுமாறினாலும் பெரிய பாதிப்பில்லை... ஏன்?

சர்வதேச போக்குகள் மிகவும் பாதகமாக இருந்தாலும் கூட, இந்தியப் பங்குச் சந்தைகளில் பெரிய அளவில் பாதிப்பின்றி வர்த்தகம் நடந்து வருகிறது. இதற்கு, உள்ளூர் சிறு முதலீட்டாளர்கள் உறுதுணைபுரிகின்றனர்.

Thursday February 27, 2025 , 1 min Read

சர்வதேச போக்குகள் மிகவும் பாதகமாக இருந்தாலும் கூட, இந்தியப் பங்குச் சந்தைகளில் பெரிய அளவில் பாதிப்பின்றி வர்த்தகம் நடந்து வருகிறது. இதற்கு, உள்ளூர் சிறு முதலீட்டாளர்கள் உறுதுணைபுரிகின்றனர்.

மும்பை பங்குச் சந்தையில் இன்று (பிப்.27) காலை வர்த்தகம் தொடங்கும்போது, சென்செக்ஸ் 231.97 புள்ளிகள் உயர்ந்து 74,834.09 ஆக இருந்தது. அதேவேளையில், தேசிய பங்குச் சந்தையில் நிஃப்டி 65.75 புள்ளிகள் உயர்ந்து 22,613.30 ஆக இருந்தது.

சிவராத்திரி விடுமுறைக்குப் பிறகு, பங்குச் சந்தையில் சாதக நிலையிலுடன் வர்த்தகம் தொடங்கியது முதலீட்டாளர்களுக்கு சற்று நிம்மதியைத் தந்துள்ளது.

இன்று முற்பகல் 11.30 மணியளவில் சென்செக்ஸ் 15.75 புள்ளிகள் (0.021%) உயர்ந்து 74,617.87 ஆகவும், நிஃப்டி 11.25 புள்ளிகள் (0.050%) சரிந்து 22,536.30 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் சற்றே தடுமாற்றத்துடன் தான் நிறைவு பெற்றது. ஆசிய பங்குச் சந்தைகளைப் பொறுத்தவரையில் டோக்கியோவில் மட்டுமே ஏற்றம் நிலவுகிறது. சியோல், ஷாங்காய் மற்றும் ஹாங்காங் என அனைத்திலும் சரிவு நிலவுகிறது. இந்த சர்வதேச சந்தைகளின் தாக்கமும் இந்திய பங்குச் சந்தைகளில் எதிரொலித்து வருகிறது. வெளிநாட்டு முதலீட்டாளர்கள் பங்குகளை வாங்க ஆர்வம் காட்டாத அதேநேரத்தில், உள்ளூர் சிறிய முதலீட்டாளர்கள் பங்குகளை வாங்குவதில் காட்டும் ஆர்வத்தின் எதிரொலியாக இந்திய பங்குச் சந்தை பெரிய அளவில் வீழ்ச்சியில் இருந்து தப்பித்து வருகிறது.