Gold Rate Chennai: அதிரடி விலை குறைவு - தங்கம் வாங்க சரியான நேரமா?

தொடர்ந்து புதிய உச்சங்களைத் தொட்டு வந்த ஆபரணத் தங்கத்தின் விலை சரியத் தொடங்கியுள்ளது. கடந்த இரு வர்த்தக தினங்களில் மட்டும் சவரனுக்கு ரூ.520 குறைந்துள்ளது. தங்கம் வாங்க இதுவே சரியான தருணம் என வர்த்தகர்கள் கூறுவதால், நகை வாங்குவோருக்க்கு புதிய நிம்மதி பிறந்துள்ளது.

சென்னையில் புதன்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.25 குறைந்து ரூ.8,050 ஆகவும், ஒரு சவரன் விலை ரூ.200 குறைந்து ரூ.64,400 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.27 குறைந்து ரூ.8,782 ஆகவும், சவரன் விலை ரூ.216 குறைந்து ரூ.70,256 ஆகவும் இருந்தது. தற்போது மேலும் விலை குறைந்துள்ளது.

தங்கம் விலை நிலவரம் - வியாழக்கிழமை (27.2.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 குறைந்து ரூ.8,010 ஆகவும், ஒரு சவரன் விலை ரூ.320 குறைந்து ரூ.64,080 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.44 குறைந்து ரூ.8,738 ஆகவும், சவரன் விலை ரூ.352 குறைந்து ரூ.69,904 ஆகவும் உள்ளது.

வெள்ளி விலை:

சென்னையில் இன்று (27.2.2025) 1 கிராம் வெள்ளி விலை ரூ.106 ஆகவும், ஒரு கிலோ வெள்ளி விலை ரூ.1,06,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. அமெரிக்க அதிபர் ட்ரம்ப் நிர்வாகத்தின் தொடரும் அதிரடி நடவடிக்கைகளின் தாக்கத்தால் சர்வதேச பங்குச் சந்தைகளில் நிலையற்ற சூழல் நிலவியது. அத்துடன், தங்கத்தின் மீதான முதலீடு அதிகரித்ததும் ஆபரணத் தங்கத்தின் விலை உச்சங்களை எட்ட காரணமாக அமைந்தது.

தற்போது டாலருக்கு நிகரான ரூபாய் மதிப்பு சற்றே மீண்டெழத் தொடங்கியுள்ளது. அத்துடன், பங்குச் சந்தையும் மீளத் தொடங்கியுள்ளது. இதனால், ஆபரணத் தங்கத்தின் விலை இரு தினங்களாக வெகுவாக குறைந்துள்ளது.

தங்கம் விலை @ சென்னை

> 22 காரட் தங்கம் 1 கிராம் - ரூ.8,010 (ரூ.40 குறைவு)

> 22 காரட் தங்கம் 8 கிராம் - ரூ.64,080 (ரூ.320 குறைவு)

> 24 காரட் தங்கம் 1 கிராம் - ரூ.8,738 (ரூ.44 குறைவு)

> 24 காரட் தங்கம் 8 கிராம் - ரூ.69,904 (ரூ.352 குறைவு)

தங்கம் விலை @ மும்பை

> 22 காரட் தங்கம் 1 கிராம் - ரூ.8,010 (ரூ.40 குறைவு)

> 22 காரட் தங்கம் 8 கிராம் - ரூ.64,080 (ரூ.320 குறைவு)

> 24 காரட் தங்கம் 1 கிராம் - ரூ.8,738 (ரூ.44 குறைவு)

> 24 காரட் தங்கம் 8 கிராம் - ரூ.69,904 (ரூ.352 குறைவு)