Gold Rate Chennai: தங்கம் விலை சவரனுக்கு ரூ.65,500+ ஆக நீடிப்பது ஏன்?

வார இறுதி நாளில் தங்கத்தின் விலை சற்றே குறைந்தாலும் கூட, சவரன் ரூ.65,500+ என்ற உச்சத்தில்தான் ஆபரணத் தங்கம் விற்கப்படுகிறது. இந்தப் போக்கு மேலும் சில நாட்கள் நீடிக்கலாம் என்று வர்த்தகர்கள் கருதுகின்றனர்.

Saturday March 15, 2025 , 2 min Read

வார இறுதி நாளில் தங்கத்தின் விலை சற்றே குறைந்தாலும் கூட, சவரன் ரூ.65,500+ என்ற உச்சத்தில்தான் ஆபரணத் தங்கம் விற்கப்படுகிறது. இந்தப் போக்கு மேலும் சில நாட்கள் நீடிக்கலாம் என்று வர்த்தகர்கள் கருதுகின்றனர்.

சென்னையில் வெள்ளிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.110 உயர்ந்து ரூ.8,230 ஆகவும், ஒரு சவரன் விலை ரூ.880 உயர்ந்து ரூ.65,840 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.120 உயர்ந்து ரூ.8,978 ஆகவும், சவரன் விலை ரூ.960 உயர்ந்து ரூ.71,824 ஆகவும் இருந்தது. தற்போது சிறிதளவு விலை குறைவு நிலவுகிறது.

தங்கம் விலை நிலவரம் - சனிக்கிழமை (15.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.10 குறைந்து ரூ.8,220 ஆகவும், ஒரு சவரன் விலை ரூ.80 குறைந்து ரூ.65,760 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.11 குறைந்து ரூ.8,967 ஆகவும், சவரன் விலை ரூ.88 குறைந்து ரூ.71,736 ஆகவும் இருக்கிறது.

வெள்ளி விலை:

சென்னையில் இன்று (14.3.2025) 1 கிராம் வெள்ளி விலை ரூ.112 ஆகவும், ஒரு கிலோ வெள்ளி விலை ரூ.1,12,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு சற்றே மீண்டெழுந்து வந்தாலும், அமெரிக்காவின் பொருளாதாரக் கொள்கைகளின் எதிரொலியாக தங்கம் விலையில் ஏறுமுகம் நீடித்துள்ளது.

குறிப்பாக, அமெரிக்கவில் பங்குச் சந்தை கடந்த ஒரு வாரமாக கடும் வீழ்ச்சி அடைந்துள்ளது. இதனால், பெரிய முதலீட்டாளர்களின் பார்வை இப்போது தங்கம் பக்கம் திரும்பியுள்ளதால் தங்கம் கொள்முதல் அதிகரித்துள்ளது. எனவே, தங்கத்தின் தேவை கடுமையாக உயர்ந்துள்ளதால் ஆபரணத் தங்கம் விலை கடுமையாக உயர்ந்து வருகிறது. சர்வதேச பங்குச் சந்தைகள் மீளும் வரை இந்த விலை உயர்வு போக்கு நீடிக்கும் என வர்த்தகர்கள் கருதுகின்றனர்.