Gold Rate Chennai: தொடரும் அதிர்ச்சி; ரூ.66,500-ஐ நெருங்கியது தங்கம் விலை!

தங்கம் விலை மீண்டும் சவரனுக்கு ரூ.66,500-ஐ நெருங்கி புதிய உச்சம் தொட்டு வருவது, நகை வாங்குவோருக்கு அதிர்ச்சி மேல் அதிர்ச்சி அளித்துள்ளது. இந்த விலை உயர்வு போக்கு தொடரலாம் என்றும் அஞ்சப்படுகிறது.

Thursday March 20, 2025 , 2 min Read

தங்கம் விலை மீண்டும் சவரனுக்கு ரூ.66,500-ஐ நெருங்கி புதிய உச்சம் தொட்டு வருவது, நகை வாங்குவோருக்கு அதிர்ச்சி மேல் அதிர்ச்சி அளித்துள்ளது. இந்த விலை உயர்வு போக்கு தொடரலாம் என்றும் அஞ்சப்படுகிறது.

சென்னையில் புதன்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 உயர்ந்து ரூ.8,290 ஆகவும், ஒரு சவரன் விலை ரூ.320 உயர்ந்து ரூ.66,320 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.44 உயர்ந்து ரூ.9,044 ஆகவும், சவரன் விலை ரூ.352 உயர்ந்து ரூ.72,352 ஆகவும் இருந்தது. தற்போது புதிய உச்சம் அடைந்துள்ளது.

தங்கம் விலை நிலவரம் - வியாழக்கிழமை (20.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.20 உயர்ந்து ரூ.8,310 ஆகவும், ஒரு சவரன் விலை ரூ.160 உயர்ந்து ரூ.66,480 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.22 உயர்ந்து ரூ.9,066 ஆகவும், சவரன் விலை ரூ.176 உயர்ந்து ரூ.72,528 ஆகவும் இருக்கிறது.

வெள்ளி விலை:

சென்னையில் இன்று (20.3.2025) 1 கிராம் வெள்ளி விலை 10 பைசா உயர்ந்து ரூ.114.10 ஆகவும், ஒரு கிலோ வெள்ளி விலை ரூ.100 உயர்ந்து ரூ.1,14,100 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு கட்டுக்குள் உள்ளது. பங்குச் சந்தையும் ஓரளவு ஏற்றத்துடன் வர்த்தகம் ஆகிறது. எனினும், சர்வதேச பொருளாதார போக்குகளின் தாக்கமாக, முன்னெச்சரிக்கையாக பாதுகாப்பான முதலீடாகவே தங்கத்தை மக்கள் பார்த்து வருகின்றனர். இதனால், தங்கத்தின் தேவை உயர்ந்து ஆபரணத் தங்கம் விலையும் கூடி வருகிறது.