Gold Rate Chennai: ஏறிட்டே போகும் தங்கம் விலை - என்னதான் காரணம்?

தங்கம் விலை மீண்டும் ஏறுமுகம் காணத் தொடங்கியுள்ளதுடன், புதிய உச்சத்தை நோக்கி நகர்வது நகை வாங்குவோருக்கு பெரும் கவலைக்குரிய தகவலாக உள்ளது.

Wednesday March 19, 2025 , 2 min Read

தங்கம் விலை மீண்டும் ஏறுமுகம் காணத் தொடங்கியுள்ளதுடன், புதிய உச்சத்தை நோக்கி நகர்வது நகை வாங்குவோருக்கு பெரும் கவலைக்குரிய தகவலாக உள்ளது. சவரன் விலை மீண்டும் ரூ.66,500-ஐ நெருங்கி வருகிறது.

சென்னையில் செவ்வாய்க்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 உயர்ந்து ரூ.8,250 ஆகவும், ஒரு சவரன் விலை ரூ.320 உயர்ந்து ரூ.66,000 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.44 உயர்ந்து ரூ.9,000 ஆகவும், சவரன் விலை ரூ.352 உயர்ந்து ரூ.72,000 ஆகவும் இருந்தது. இன்றும் விலை உயர்வு காணப்படுகிறது.

தங்கம் விலை நிலவரம் - புதன்கிழமை (19.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.40 உயர்ந்து ரூ.8,290 ஆகவும், ஒரு சவரன் விலை ரூ.320 உயர்ந்து ரூ.66,320 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.44 உயர்ந்து ரூ.9,044 ஆகவும், சவரன் விலை ரூ.352 உயர்ந்து ரூ.72,352 ஆகவும் இருக்கிறது.

வெள்ளி விலை:

சென்னையில் இன்று (19.3.2025) 1 கிராம் வெள்ளி விலை ரூ.1 உயர்ந்து ரூ.114 ஆகவும், ஒரு கிலோ வெள்ளி விலை ரூ.1,000 உயர்ந்து ரூ.1,14,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு மீண்டும் வீழ்ச்சி அடையத் தொடங்கியுள்ளது. அதேவேளையில், பங்குச் சந்தை ஓரளவு ஏற்றத்துடன் வர்த்தகம் ஆகிறது.

எனினும், சர்வதேச பொருளாதார போக்குகளின் தாக்கமாக, முன்னெச்சரிக்கையாக பாதுகாப்பான முதலீடாகவே தங்கத்தை மக்கள் பார்த்து வருகின்றனர். இதனால், தங்கத்தின் தேவை உயர்ந்து ஆபரணத் தங்கம் விலையும் கூடி வருகிறது.